D. Mariano Peláez fundou en 1968 Bodegas Marqués de Vizhoja
Somos os seus fillos Jorge e Javier Peláez os que continuamos na actualidade coa xerencia da nosa bodega familiar.
O EMBLEMA
Os nosos viñedos
Os nosos viñedos galegos esténdense por case 40 hectáreas nunha das subzonas da D.O. Rías Baixas, na ribeira dereita do río Miño. Entre eles álzase o Pazo Torre La Moreira. Este edificio histórico cumpre coa función defensiva do terreo desde o século XVIII. Hoxe é un emblema da nosa bodega.
TRADICIÓN E INNOVACIÓN
Coñece as nosas Bodegas
Desde Bodegas Marqués de Vizhoja querémoslles abrir as nosas portas aos amantes do enoturismo. Nelas atoparán actividades culturais de calidade que adaptamos ao público de todas as idades.
Durante a visita ás nosas instalacións e viñedos descubrirán como conseguimos conxugar tradición vitícola e innovación. Ao longo de anos de traballo de varias xeracións, conseguimos alcanzar a excelencia en cada un dos produtos que se elaboran na nosa empresa.
Debido á situación actual da COVID-19, as nosas portas permanecerán pechadas ata novo aviso.
O noso viño máis afamado. Un viño que destaca pola súa relación calidade-prezo. O viño de sempre para os de sempre.
Señor da folla verde é o noso viño branco máis exclusivo da bodega, suxeito a unha produción limitada de botellas. Un Condado do Tea composto de uvas albariña (70%), loureira (15%) e treixadura (15%), amparado baixo a D.O. Rías Baixas. Este coupage dispón de certificado vegano por V-Label e está incluído no movemento Slow Food Compostela.
Torre La Moreira, o noso viño monovarietal 100 % albariño, D.O. Rías Baixas. Un viño composto de uvas propias recollidas manualmente na nosa Finca La Moreira e outras leiras do Condado do Tea. Este albariño ten un certificado vegano de V-Label e está incluído no movemento Slow Food Compostela. Torre La Moreira foi o primeiro albariño en incluír a súa etiqueta nun sistema de lectura braille.
